Rucksakbibliothéik
Engagement humanitaire | 27.10.2024Dëse Mëttwoch, den 23. Oktober 2024, ass d’Fakel vun der Rucksakbibliothéik weidergereecht ginn. Eis Schoul huet dës virun 2 Joer entgéintgeholl an un engem Projet iwwert den Zweete Weltkrich geschafft, fir dëse Koffer weider ze fëllen an ze beräicheren. D’Iddi ass et fir d'Erënnerung u Schicksalsschléi vum Zweete Weltkrich ze erhalen an se weiderzeerzielen. Dëst unhand vu Projeten déi an engem Koffer tëschent deene verschiddene Schoule weidergereecht ginn. Déi aktuell 1CN aus dem ECG huet dat lescht Schouljoer un engem Projet geschafft a verschidde Videoe realiséiert, déi dëse Mëttwoch wärend der Zeremonie gewise gi sinn. Mir soen den Organisateuren an den Initiateurë vun dësem Projet ee grousse Merci a mir sinn houfreg dorunner deelgeholl ze hunn.
» photos